السلام عليكم و رحمة الله
اقدم لكم كريب بلكفتة و فروماج سندويش
لذة لا تقاوم
مقادير الكريب
300 مل الحليب
2 بيضات
5 معالق زيت
الملح
250غ فورص
نخلطو كلشي فمولينيكس نخليوه يرتاح 10 دقايق
وعاد يطيب فمقلة د بغرير من 2 جيهات
مقادير الحشوة
بصلة كبيرة مشلضة
250غ كفتة البقر
الفروماج سندويش
طريقة البيشاميل
معلقةك زبدة
معلقة ك فورص
كاس ك حليب
نذوبو زبدة نزيدو عليها الفورص و نحركو و نزيدو الحليب و مع تحريك المستمر حتى يعقاد و نضفيو البوطة نزيدو القليل من الجوزة و الملح
غنحتاجو غير نص في الكمية
طريقة تحضير
في مقلة نديرو البصلة تشحر مع شوية د زيت نزيدو الكفتة
نبقاو نبركو عليها حتى تفرتت نزيدو تحميرة ليبزار
الملح نخليوها طيب نزيدو عليها البيشاميل و نبقاو
نحركو حتى يندمجو و نضفيو البوطة
نخدو كريب نديرولو معلقة من الحشوة نديرو
نص قطعة من فروماج سنديوش
نجمعوهوم على شكل مربع و نديروهوم فمكينة بانيني غير شوية
وبصحة و راحة
مطبخ الشاف مريم
