بدات الندوة عصرا الأربعاء 25 دجنبر 2019 فالمقر ديال حزب المصباح وحضرات أزيد من 20 فرد من فعاليات المدينة و كذا حضور منابر إعلامية من الإقليم والجهة .
الندوة بدات بإستغراب وإستنكار الرئيس للخروج المزعوم للمعارضة والأحزاب اللي وصفها بالخيانة فالتصريحات ديالو وأنها خرقات ميثاق الشرف ، وتكلم كذلك رئيس المجلس الجماعي لصفرو السيد جمال الفيلالي على المشاريع ديال المدينة اللي مازال فحالة ديال البلوكاج وعليها ضغوطات باش متخرجش للوجود وبرر بأنه كاين مزايدات ، هذه الندوة عقدها باش يصحح المغالطات والإشاعات اللي كتروج فالمدينة ، وبشكل آخر اللي مقصود فهاد الكثلة الإتحاد الإشتراكي اللي كيتزعموا إقليميا إدريس الشطيبي ومحليا كريم شفيق وبالنسبة للتقدم والإشتراكية كاين عبد السلام بوهدون وفاطمة الواحي اللي عندهوم علاقة مباشرة مع بن عبد الله .
أما الإستقلال بزعامة الفرودي والحكيم بوشامة والحركة الشعبية اللي فيها من جهة أزلماط أمحمد و حيدر هما كيمارسو معارضة كتسمى صحية . وهاد المسلسل بدا مع الحكومة و مسألة التحالف والإنسحاب.
هنا دعا الرئيس اللي كيقول الجميع أنه سلبت منه البساط وأصبح مخلوعا ندائه للساكنة من أجل مد يد العون و اليقظة والخروج من أجل حماية المشاريع اللي اعتبرها ديالهم وركز على ضرورة التصدي لهاد الخرجات اللي كتشوه الرأي العام ، وشهر ورقة صفراء إنذارا للجميع .
السؤال اللي يمكن يتطرح هو أشنو بان ليكم فصفرو راه غادي فالهاوية كيف قال رشيد الوالي راك غادي فالخسران أ حمادي !!!!!! الإجابة عليه كانت هو أن هاد البلوكاج من جهة : كاين اللي إعتبروا رد الإعتبار للمؤسسات باش المواطن يفكر فالإنتخابات الجاية ووحدين آخرين ربطوه بالممارسة السياسية العاكسة للماكرو أي المركز وقرارت مكتب المجلس أو الهيئة الوطنية كتقوم بالتنفيد والكثير منهم كيشوفو الصمت ديال عمالة صفرو اللي ملتزمة الحياد واش مغيكونش شي تدخل فهاد الإتجاه ؟؟؟؟ والكثير منهم من إعتبر أن القضية فيها 30 مليار اللي مرصودة لمشاريع المدينة وخاص التفكير فيها بشكل جدي وخصوصا وأن الشلل التام أصاب المواطن الصفريوي والثقة تفقدات فالسياسة ومن يمارسها خصوصا وأن الأمور إتضحت مزيان واش دابا إستقالة ديال الرئيس أو مسطرة العزل أو رجوع المعارضة للأغلبية قصد المصالحة الموعودة .
رشيد كداح -صفرو
