ليلى.ف
علق الإعلامي خالد ازدون على صفحته الرسمية بموقع “فيسبوك” عن الجدل الذي يرافق الفنان حاتم عمور بسبب اغنيته عن المنتخب المغربي في إقصائيات كأس العرب.
و سجل ازدون تدوينة مطولة جاءت كالتالي “حتى لا نحيد عن الصواب …باش نكونو واضحين ماشي اغنية حاتم عمور اللي اقصت المنتخب ، السيد خدمتو هاديك وكيجتاهد مع اي ظرف كان ، لذلك باش منبعدوش على النقاش الحقيقي و نوضعو الاصبع على المشكل فين كاين .”
و أضاف الاعلامي “كرة القدم عندنا صعيب تجيب النتائج على مستوى المنتخب عرفتو علاش ؟ حيث باقيين كنضيعو المواهب الحقيقية اللي كل نهار كتغادر اللعبة بسبب باك صاحبي ، حيث باقيين المسيرين كيجيو للكرة باش يديرو سمية ويطلعو الارصدة ديالهم ، حيث باقي عندنا العقلية ان المنتخب في ملكية القلة اللي كتسير والباقي عليه التشجيع فقط ، حيث باقي حرب الكواليس بين المدربين وحفر عليا نحفر عليك ، وحيث باقي عندنا اللي كيهمهم شحال غادي ياخد فالشهر ماشي شنو غادي يعطي “
و زاد أزدون ” حيث باقي عندنا نجارة الصحافة اللي دارت المهنة تسمسيرة ووكالة للايجار لمن يدفع اكثر ، و حيث باقي كنبعدو الاعلاميين الحقيقيين على الواجهة لانهم كيقولو الحقيقية ،حيث باقي بعض المدربين كيحركو معاهم نفس لائحة اللاعبين فين ما مشاو ، وحيث باقي الوكلاء يحكموا فالاختيارات وكيرسمو طريق لاشباه اللاعبين ، واللاعبين الحقيقين كيضيعو”
وختم الصحفي أزدون تدوينته “كرة القدم عندنا اصبحت وسيلة للاسترزاق في حين انها اصبحت صناعة قائمة بذاتها تحرك اقتصادات دول كبرى.”
