ها هو المشجع الشهير د المنتخب الوطني الملقب بالضلمي اللي شرا من عندو نزار قباني الجرائد و عطاه ادريس البصري الباسبور باش يسافر

الحقيقة 24
2022-11-19T11:05:01+00:00
أخبار مغربيةالرئيسية
الحقيقة 2419 نوفمبر 2022آخر تحديث : السبت 19 نوفمبر 2022 - 11:05 صباحًا
ها هو المشجع الشهير د المنتخب الوطني الملقب بالضلمي اللي شرا من عندو نزار قباني الجرائد و عطاه ادريس البصري الباسبور باش يسافر

الاسم نور الدين فلاح اللقب (الضلمي) ولد دوار الدوم فالرباط كان تيبيع جورنال قدام لاكار ديال الرباط المدينة في التمانينات و كان شرا منو الجورنال نزار قباني و محمود درويش و الامير مولاي عبد الله و المدرب الأسطورة للمنتخب الوطني مهدي فاريا هو لي سمى عليه الضلمي و بدا قصتو في التشجيع 1986 مكسيكو مع المنتخب ضبر عليه وزير الداخلية الأسبق ادريس البصري ب باسبور (فديك الوقت كانت الفيزا لأوروبا ساهلة و لكن الباصبور لي صعيب) مشا تفرج فالمنتخب في مكسيكو ومن بعدها طلع للطاليان 1988 و لتذكير كان كايجلس يتقهوى مع مارادونا و كاريكا و تسمى ايضا في ايطاليا بماردونا حيت نفس ستيل الشعر وايضا الاسطورة الايطالية باجيو حضر لعقيقة ديال ابنة الضلمي المهم بقا عايش تماك في ايطاليا خدم مزيان جمع فلوس و دار ريسطو ديالو و دار عائلة و لكن جزء كبير من مدخول ديالو كان كايخسرو على التنقلات مع المنتخب الوطني السيد حضر فجميع المناسبات تال دابا كأس العالم فأمريكا 94 فرنسا 98 ألمانيا 2006 مع المنتخب الإيطالي روسيا 2018 و كؤوس إفريقيا كذالك … للأسف قوانين الزواج فأوروبا كاتحرض على الطلاق بالخصوص يلا كانت الزوجة نيتها خايبة داكشي لي طرا مور ما طلق دات ليه رزقو كامل للأسف تصادف مع الأزمة الاقتصادية لي كانت فالطاليان كمل شوية تما من بعد طلع لفرنسا ف 2014 من ديك الوقت و هو فيها مريض بالسكري فعمرو 59 عام ما بقاش قادر يخدم عايش غا على المعونة ديال الجالية المغربية ف باريس بالأخص ف Asnières /Seine ،،، إنسان طيب شبعان فقلبو واخا مشجع للجيش الملكي و لكن ماشي متعصب كايشجع كاع الأندية الوطنية فالمنافسات الخارجية و مشا تنقل ف نهائي العصبة الإفريقية 89 بين الراجا و وهران ما باغي والو فالدنيا كايبغي غا المنتخب يشوفو ديما رابح و الفراقي الوطنية تربح وكايحب بلادو الضلمي انسان خلوق و ضريف بزاف و الكل يشهد له بذالك وهادي هي قصتو

رابط مختصر