السلام عليكم و رحمة الله اقدم لكم بسيطلات
بالخضرة و الحوت تيجو لذاذ بزاااااف
المقادير
ل 50 حبة من بسطيلة
2 بصلات مشلضين
2 فلفلات مقطعين رقاق
3 خيزو محكوك على طول
3 قرع محكوك على طول
راس مكور صغير مقطع رقيق
2 مطيشات كبار مقشرين و مقطعين
الربيع
تومة
نص كيلو قمرون نص كيلو كلمار نص كيلو القرش
بكية شعرية صينية كبيرة
عصير حامضة كبيرة
4 م ك زيت زيتون
زيتوم مقطع ختياري
طريقة التحضير
تنديرو الخضرة فمقلة ونديرو زيت نباتية و الملح و الابزار و تحميرة ومنين يتشحرو نزيدو عليهوم ربيع و نخليوه شوية على مينزل
تنشحرو القمرون مع تحميرة و الملح و ليبزا و نفس شيئ لكلمار و القرش من بعد منقطعوه
نديرو شعرية في الما سخون و نصفيوها نقطعوها نزيدو عليها الخضرة و الحوت نحكو عليها تومة نزيدو عصير حامضة و زيت زيتون و الملح و الحار و زيتون مقطع و نخلطوها مزيان
نقسمو الورقة د بسطيلة على 4 و نشدو كل متلت
نعمرو بيه البسيطلات و نضوبلو الورقة
ندهنوهوم باصفر البيض و ندخلوهوم يطيبو على نار مهيلة و يكون الفران سخون و منقوص
وبصحة وراحة
من مطبخ الشاف مريم
