السلام عليكم ورحمة الله
اقدم لكم سكسو تفاية بزبيب والحموص غاية في لذة
المقادير:
لحم حسب كمية الاشخاص
البصلة
الحموص فازك
زبيب
سكس
خيزو لتزين
سكين جبير ليبزاروالخرقوم وزعفران الملح سمن زيت زيتون
:الطريقة
في طنجرة دلكسكاس نديرو لحم والعطرية وزيت وسمن و2 كيسان دالما
نشعلو عليهوم البوطة فاش تبدا تغلي طنجرة
نتكو لحم بقطيب او بسكين ونبقا نقلبوه حتى يتقلى لحم نزيدو الما والبصلة مقطعة طراف
والحموص ونخليوهوم يطيبو
نخدو سكسو ونغسلوه ونصفيوه ونخليوه يشرب نزيد عليه زيت ونفتلو ونديرو يتفور ساعة لارب
نزولونخويه فبانيو ولا كصعة ونرشو بالما ونفتلو حتى يشرب
ونديرلو شوية زيت و الملح وسمن ختياري
ونردو يتفور نص ساعة
نخد زبيب نغسلو مزيان نديرو يتصلق
نخد البصلة نقطعها على طول نديرها فطنجرة نزيد عليها زيت
ونقص عليها البوطة تكون بحال شمعة
نبقا مرة مرة نحركها
فاش تشحر البصلة نزيد عليها شوية من المرقة
ونصفي زبيب من بعد متصلق وندير سكر والقرفةو شوية دسمن
ونخليه يتعسل مع تحراك كل شوية باش ميلصقش فطنجرة
من بعد ميطيب لحم زيدو خيزو
نخليو المرقة تقلى ونزيدو ضامة دالبنة (ختياري دسمن ولا البكري )
ونصبو سكسو وبصحة وراحة
